JAVIER FEIJOO

BADAJOZ

 

AL AGÜELO EMIGRANTE EXTREMEÑO
Este soneto vié a icir argo asín como si Extremadura quisiera homenajeá a ese agüelo emigrante extremeño, a ese qu’entoavía le canta nanas a los sus nietos con castúas palabras, manque los nietos haigan nacío’n otras tierras, pa qu’enjamás s’orvíen de los sus raigones y d’aonde mamaron la su enjundia:

 

Fustigao po la jambre’n jarapales,
embebío de sol, con sus süores,
y con pardos adioses de dolores,
con tu ajogo m’echaste a tus costales.

Aonde juera que jueses d’andurriales,
con cachinos de mí, con mis jëores
de miajón escarbao con desamores,
alevantas mi vos entre pañales.

Y el eco d’esa vos jiere mu jondo
cuando naide escudriña d’aonde mana
acorde que s’ascucha tan rëondo

en esa vos d’agüelo, en esa nana
qu’avienta tus pasäos aonde ajondo
castúas sementeras pa’l mañana.

Tú eres jierro y jumo,
y la jacha, y el jigo, y la jiguera;
y el palo qu’enarbola mi bandera.

JAVIER FEIJOO
(1 de Mayo de 2005)

Volver

 

Agüelinoh de Garganta la Olla sentaoh al sol matinal.