JAVIER FEIJOO

BADAJOZ

JIERRO CONTRA JIERRO

Jierro contra jierro’n fatal traqueteo
con jambre de parca quebró las cadenas,
bulró los vallaos repujando penas
y labró aquel Once’n ca y cual camafeo.

El vuelo quebrao’n jiriente aleteo
con cierzo maligno crujió sus condenas,
cegó l’alegría con gasa d’arenas
jilá con quimeras de cándido reo.

¿Quién templó’l gatillo? ¿Quién prendió aquel móvil?
¿Quién rastreó l’ascusa? ¿Aónde las verdades?
Reguñen las Juntas, su vos grita inmóvil,

jimplan a finaos entre vanidades.
El credo nus guía, fúnebre automóvil,
por esas vereas de las necedades.
Volver