JAVIER FEIJOO

BADAJOZ

 

LA GLORIA ES PA’L QUE CREE, NO PA’L CREÍO

Icen que las vereas a la gloria
están empetaínas e maleza
y sólo con la juerza e la belleza
s’arrancan los yerbajos d’esa escoria.

Asina se jondean de la historia
a los empercudíos en pereza;
‘político-poeta’ es una pieza
que raramente encaja’n la memoria.

La gloria tié sus puertas entornás
pa dagle cerrojazo al engreío.
Por esa rendijina entran na más

poetas que con Arte haigan crecío
ajenos al laurel de los demás.
La gloria es pa’l que cree, no pa’l creío.

JAVIER FEIJÓO
(23 Enero 2004)

Volver