JAVIER FEIJOO

BADAJOZ

YA VIÉN LOS CARNAVALIS, CON EL SU ANTRUEJU

Ya vién los carnavalis, con el su antrueju,
tapujus y antifacis pa la jarana;
ya vié carnestolendas con su desgana,
ya me se cierra’n falsu el mi entreceju.

Tós quierin disfrazalsi, jasta’l más vieju,
pa que no le verigüe ni la su hermana
y asina jacer bulra, la bulra sana,
de tós los su pesaris del añu añeju.

Yo quieu dir disfrazau de güen poeta,
y un chambergu de versus m’echau porcima;
con esti sonetinu grabau’n mi jeta

y una boina d’estrofas con mucha rima
ya no me jaci falta ni la careta...
(ˇ...mejol me queu’n mi casa... brasa y tarima!)


JAVIER FEIJÓO
(19 Enero 2005)

Volver